أجمد نكت مصرية ,يمتاز المصريون بخفة الظل، فهم معروفون بين جميع الدول العربية بحبهم لروح الدعابة وإلقاء النكات في أحلك الأوقات، وفي الحقيقة بعيداً عن فئة أو شعب معين فالإنسان يحتاج من وقت إلى آخر للترفيه عن نفسه ونسيان همومه والهروب من واقعه المشحون، وضغط العمل ومتطلبات الحياة اليومية لذا سنقدم لكم في هذا المقال على موقعنا التالي أجمد نكت مصرية.
أجمد نكت مصرية
- بيقول لك مرة واحد مسطول راح لواحد بيعمل سندوتشات طعميه، المسطول قال له عاوز ساندويتش طعميه من غير سلطه طماطم.
- قال له والله معنديش سلطة طماطم أعملك من غير سلطة خيار.
- بيقول لك مرة واحد حرامي دخل يسرق شقه بتاعة واحد اسمه أبو حسام لقى مراته أم حسام ولقى حسام.
- أم حسام كانت سمينة قوي، شالت الحرامي ورمته على الأرض، وقعدت فوقه.
- وقالت له أجري يا حسام بسرعه نادي أبوك من على القهوة، الحرامي نادي على حسام وقاله بسرعه يا حسام.
- مرة واحد راح يحلق عند حلاق سكران مسك ودنه الأولانيه وكان في ايده الموس قال له دي ودنك افتكره بيهزر قاله آه قاله عاوزها؟
- قال له طبعاً؛ راح قاطعها وادها له في ايده، وبعدين مسك ودنه الثانية قال له دي ودنك ، قال له آه قال له عازوها قال له لا، راح قطعها ورماها في الشارع.
- مره ولد في المدرسة أمه حامل المس سألته وبتقول له عندك أخوات يا حبيبي، قال لها آه كان عندي بس ماما بلعته.
- ولد بيسأل أبوه هي الحمير بتتجوز قاله يا ابني مبيتجوزوش أصلاً غير الحمير.
- مرة واحد بيقول لواحد تعرف الفرق بين القضاء والقدر والمصيبة قاله القضاء والقدر أن حماتي تكون ماشية جنب الترعة فتقع تموت قاله طب والمصيبة قاله المصيبة بقى إنها تطلع تاني.
- اثنين مساطيل راحوا يسرقوا عمارة فقالوا لبعض إحنا دلوقتي عشان نسرق العمارة دي وماحدش يشوفنا نأخذها بعيد ونسرقها براحتنا.
- راحوا خلعوا هدومهم وفضلوا يزقوا في العمارة، وجاء واحد من وراهم، وهما مش واخذين بالهم.
- راح سرق هدومهم، فواحد بص وراهم مالقاش الهدوم فقال له: كفاية كده إحنا بعدنا قوي.
- واحد خبطته عربية فأخد تعويض 1000.000جنيه وقام واقف على سكة القطر وفاتح درعاته، وقايل تعالى يا أبو الملايين.
أجمد نكت مصرية قصيرة
- واحد غبي اتزحلق من على السلم سألوه اتزحلقت فين قال لهم على رجلي، قالوا له خلاص ادهن مكان الإصابة راح داهن السلم.
- مرة واحد خلف ٧عيال سمى نفسه سفن اب.
- عيل بيسأل أبوه هو الحب اعمى يا أبا قاله بص في وش أمك وأنت تعرف.
- غبي قال لابن عمه الغبي الي زيه: أمريكا طلعت القمر، وأحنا مش أقل منهم قاله بسيطة نطلع إحنا الشمس، قاله بس الشمس حر أوي قاله مفيش مشكلة نطلعها بالليل.
- مرة مدرس رياضيات خلف طفلين واستنتج التالت.
- واحد محشش لقى واحدة ماسكة فيها النار، راح باصص وقايل لها منورة يا قمر.
- عيل غبي كل شوية يسقط في الحساب قال لأبوه يا أبا نفسي في مدرس حساب يديني درس قاله لو نجحت السنة هجيبلك واحد.
نكت مصرية قديمة
- مرة واحد صعيدي محفظته اتسرقت قالوا خالي بالك الحرامي سرق محفظتك قالهم ميهمنيش المفتاح حدايا.
- مرة بنت صغيرة بتقول لأمها ماما عاوزة أفهم المسألة دي قالت لها حاضر يا حبيبتي هجيب الشبشب وجايه حالاً قالت لها لا خلاص تصدقي فهمت.
- مرة ثلاثة مساطيل سايقين عربية خبطوا في شجرة، نزلوا قالوا ايه ده العربية اتخبطت واطلقت نعمل فيه؟ واحد قال ننفخها تاني.
- فضلوا ينفخوا وقالوا ايه ده الصاج مش بيرجع ليه، راح واحد منهم قايل لهم يا مساطيل أبواب العربية مفتوحة.
وفي ختام مقالنا الذي تناولنا فيه أجمد نكت مصرية، نرجو أن نكون قد أدخلنا البهجة على قلوبكم، واستطعنا ولو بالنذر القليل أن نرسم البسمة على شفاهكم.