من المتعارف عليه أن النكتة هي رمز الفكاهة والضحك وتجمعات العائلة والأصدقاء وليالي السمر، فإلقاء النكات يوفر جو من الألفة والمرح بين الناس، النكتة قد تكون قصة قصيرة أو موقف أو حكمة تلقى بطريقة مرحة ومضحكة، في هذا المقال سوف نتكلم عن نكت مضحكة موت، فنحن شعب معروف بحبه للنكات، فهيا بنا.
نكت مضحكة موت
- المعلمة تسأل: ما هو الشيء الذي لا يذوب في الماء؟، أجابت طالبة وقالت: السمك يا معلمتي.
- المعلم: ماذا تعرفون عن الصخور الراسبة؟ فرد الطالب: هي التي لا تذاكر طول السنة.
- مدرس رياضيات عمل حادثة على الطريق وأخذوه على المستشفى، فالدكتور بيقول لأهله: للأسف عنده كسور، رد المدرس وقالهم ماتنسوش توحدوا المقامات.
- ضابط شرطة بيسأل واحد قاعد جنب بيته فبقوله: أنت من أهل البيت ده؟ رد عليه الراجل وقاله: لأ أنا من أهل قريش، أخذه الضابط وحبسه، كل شوية الراجل يترجى الضابط ويقوله خرجني، والضابط يقوله لما يجي أبو لهب يدفعلك الكفالة أبقى أخرجك.
- واحد بيكلم صاحبه بيقوله ثلاث حاجات مش ممكن تشوفهم في حياتك، صاحبه قاله إيه هما، قاله: الملائكة والجن وواحد مديونلك بفلوس.
- ضابط شرطة بيقول: يا مدام كدة ما ينفعش ده ثالث واحد تخبطيه بعربيتك الأسبوع ده، ردت وقالتله: أمال أنا من حقي أخبط قد إيه طيب.
- واحد راح لدكتور عيون فالدكتور بيكشف عليه فبيقوله خير بتشتكي من إيه، قاله: والله يا دكتور ما بقتش بشوف أي فلوس.
- فنجان قهوة تعبان ومرهق، تفتكر ليه؟ عشان ما فيهوش هيل.
- خليجي دخل يحلق عند واحد مصري خرج أقرع خالص، عارف ليه؟ كل لما الحلاق يقوله كويس كدة، الخليجي يرد ويقوله: والله ما قصرت.
- واحد خلف توأم من فرحته بيهم، قال للدكتور تسلم إيدك يا دكتور يلا نقيلك واحد.
- اثنين مساطيل واحد بيسأل الثاني بيقوله تعرف اسم رونالدو الحقيقي إيه، فصاحبه قاله: اسمه صالح، الثاني قاله: بجد طب عرفت إزاي، صاحبه قاله: أنت مش بتسمع المعلق وهو بيقول هدف لصالح رونالدو.
- مدرس كيمياء خلف ولد سماه سامي أكسيد الكربون.
- ضابط مرور خلف بنت نزلت تتكلم بالإشارة.
- مرة واحد جه يقعد على القهوة قعد على الشاي.
- مرة واحد عداه العيب خد العيب اللي بعده.
- واحد راح يصلي، وساب جزمته برة المسجد خرج لقاها اتسرقت، فضل يزعق ويقول والله لو الجزمة ما رجعت لأعمل ذي ما أبويا عمل، فالناس اللي حواليه تجاهلوه، رجع تاني يزعق ويقول والله لو الجزمة بتاعتي ما رجعت لأعمل زي ما عمل أبويا، فالناس قلقوا منه وجابوا الجزمة، وبعدين سألوه هو أبوك عمل ايه لما جزمته اتسرقت، قالهم: روح حافي.
- واحد راح على معمل التحاليل يحلل دم، فالدكتور بيقوله حضرتك عندك سكر في الدم، فالمريض قاله: والله يا دكتور أنت اللي دمك زي العسل.
- عنكبوت دخل مسابقة فأتحمس أوي راح عامل سجادة.
- عنكبوت صحي من النوم لقى شبكته مقطوعه، تفتكر ليه؟ لأنه ما دفعش الاشتراك.
- نملة طلبت الطلاق من جوزها، تعرف ليه؟ طلع نملجي.
- واحد غبي اتعصب راح رامي تليفونه من البلكونة، نزل يجيبه لقاه مكسور، قال غريبة دا أنا ضابطه على وضع الطيران.
- بيتزا وسوسيس بيتسابقوا، تفتكر ليه؟ عشان هم وجبات سريعة.
- واحد الراديو بتاعه خرب أخده عند حد يصلحه أول لما فتح الراديو لقى نملة ميتة، قال: لا حول ولا قوة إلا بالله العلي العظيم المذيعة ماتت.
- واحد غبي صاحبه تعب ودخل المستشفى، راح يزوره لقى مكتوب على باب غرفة المريض (أدفع)، لف ورجع وقال: أبقى أروح أزوره في بيته بقى لما يطلع أهي تبقى الزيارة ببلاش.
- نملة تزوجت من ذبابة، تفتكر ليه؟ نفسها تتجوز طيار.
في نهاية المقال أتمنى أن أكون قد وفقت في عرض هذا الموضوع عن نكت مضحكة موت، فإن لإلقاء النكات وقع لطيف ومرح على النفس، كما أن النكتة تعمل على الألفة بين الناس ما دامت لا تخدش الحياء، كما أتمنى أن ينال مقالي إعجاب الجميع وأن يكون يستحق القراءة ويحقق الفائدة لمن يبحثون عن هذا الأمر.