نكت سمجة 2023 وبعض النكت المضحكة التي يستخدمها الكثير لها تأثير إيجابي على مُختلف الأشخاص، حتى وإن كانت من النكت التي لا تُضحك، فهي في النهاية تأخذ بنا إلى أجواء من الضحك والمرح، ومن خلال موقع القمة نعرض بعض منها في المقال التالي لنُساعد كل من يرغب في أن يحقق هذه الأجواء في المجالس.
نكت سمجة 2023 وبعض النكت المضحكة
يوجد الكثير من النكت التي يمكن من خلالها نشر روح البهجة والمرح في المكان، ولكن في بعض الأحيان نحتاج إلى قول النكت السمجة كنوع من أنواع المزاح مع من أمامنا، ومن خلال ما يلي نعرض بعض من هذه النكت:
- طفل صغير مامته حامل فبيقولها ايه اللي في بطنك دا قالتله دا أخوك، راح قالها كلتي أخويا ليه.
- واحد بيسأل واحدة عن اسمها قالتله أسماء، قالها يعني ملكيش اسم معين؟
- واحد أهبل اشترى آلة حاسبة لأولاد راح شايل منها الصفر، مراته قالتله أنت بتعمل ايه، قالها عشان محدش من العيال يستخدمها في المكالمات الدولية.
- مذيع طلع فاصل راح راجع مشحون.
- نملة شافت كوباية فيها عصير فراولة كبيرة راحت قايلة ايه اللي جاب البحر الأحمر هنا.
- واحد أهبل شغال معاه واحد مسطول في محل فلافل، الأهبل بيرمي الفلافل برا الزيت والمسطول بيقول تش.
- واحد رخم بيتصل بمطعم بيقوله عندك مكرونة راح قايله اه، قاله يا بختك أنا معنديش.
- أم دخلت لابنها الأوضة وبتقوله عايزة أنبوبة للمطبخ، قالها حاضر يا أمي بس ادعيلي، راحت قالتله يا رب تفتح في وشك.
- واحد اسمه نادر اتجوز واحدة اسمها نادرة لما خلفوا سموا الولد مهدد بالانقراض.
اقرأ أيضًا: نكت مضحكة جدًا مكتوبة جديدة جداً
نكت بايخة بس مضحكة
على الرغم من أن بعض النكت بايخة ولكن قد يضحك عليها البعض من الأشخاص، ومن خلال ما يلي نعرض نكت سمجة وبعض النكت المضحكة:
- واحد غبي اشترى تاكسي يشتغل عليه، الناس بقت تشاورله وتقوله تاكسي يقولهم ايوا عارف.
- مرة اتنين راحوا البحر يصطادوا، واحد صاد والتاني ضاد.
- واحد محشش بيحاول يولع عود كبريت ومش راضي يولع، راح صاحبه قايله طب ما ترميه أكيد بايظ، قاله ايه اللي بوظه دا أنا لسا مولعه من شوية.
- مرة واحدة عندية ركبت دماغها معرفتش تنزل، جوزها قعد يقولها أحسن.
- واحد محشس رايح عزاء، وحب يقول حكمة فيه، راح واقف وسط الناس وقال: سبحان الله الإنسان إذا مات توفى.
- واحد محشش قطع رأس واحد في خناقة، اتخض وقال لصاحبه اعمل ايه أنا دلوقتي لما يصحى ويسألني على راسه.
- اتنين بخلاء اتجوزوا بعض لما خلفوا سموا البنت حصالة.
- واحد مسطول قابل واحد صاحبه فالشارع فبيقوله رايح على فين كدا، راح قايله مش عارف، قاله طب يلا عشان متتأخرش.
- شلة صحاب محششة اخترعوا ميكروباص بالعرض عشان عايزين يقعدوا جنب بعض.
- محشش خلف توأم قال للدكتور والله لا تاخد واحد هدية وأنا أخد واحد.
- اتنين مدرسين عربي واحد منهم قاعد في حاله والتاني في نعته.
- طب ليه الطماطم مش محترمة؟ عشان بترقص في الخلاط.
- واحد عايز يصطاد أرانب فسأل مسطول ايه أفضل طريقة نصطاد الأرنب بيها، قاله قلد صوت الجزرة.
- مرة واحد محشش أخد الدواء بتاعه قبل المعاد ولما مراته سألته ليه قالها عشان أفاجئ الجراثيم.
- واحد محشش حرامي راح يسرق بنك راح داخل بنك الدم وقالهم ارفعوا ايديكوا لفوق.
اقرأ أيضًا: نكت سخيفة بس تضحك قصيرة
نكت بايخة أوي
يستخدم الكثير من الأشخاص النكت البايخة أكثر من النكت المضحكة، لذا نعرض من خلال ما يلي النكت البايخة المستخدمة كثيرًا والجديدة:
- واحد محشش بيسألوه ايه أحسن حاجة في الدنيا؟ قالهم 3 حاجات الأكل والنوم.
- واحد محشش بيسأل صعبه ايه رأيك؟ تتوقع إن يوم السبت ممكن يوافق آخر الشهر؟ رد قاله لو ضغطنا عليه شوية يمكن يوافق.
- طفل بيكلم أبوه المحشش بيقوله بدي مدرس خصوصي قاله أوعدك لو نجحت السنة دي هجبلك السنة الجاية.
- واحد اتجوز واحدة صينية فبتقوله هو أنت ساكت ليه قالها مفيش أنا افتكرتك نايمة.
- نملة قاعدة بتذاكر على السطح فصحابها بيسألوها ليه قالتلهم بحضر دراسات عليا.
- واحد غبي بيغير على مراته بيركب معاها العربية راح مركبها جنب السواق، وقالها اقعدي هنا عشان ميبصش عليكي من المرايا.
المجتمع المصري يشتهر بخفة الدم وميله نحو المجالس الممتعة التي ينتشر بها البهجة والسرور، لذا عرضنا نكت سمجة وبعض النكت المضحكة لاستخدامها عند الرغبة في التخفيف من أجواء التوتر في مكان ما.